Questa storia è stata raccontata da una vecchia signora d'Ischia a Federico Quagliolo.

Ce steva na vòta n’ommo ca, abbelito pecché perdette fatìca, mugliera e casa, decidette ‘e s’accirere. Pe tramente ca steva jenno ‘o Mandracchio pe s’affucà, ncuntraje nu cumpagno ca le dicette: “Nun te sie manco cunfessato? Ammacaro truova nu prevete e miettete mpace cull’anema”; “Tiene raggione, me vaco a cunfessà”.

Jette dinto a na primma cchiesa e ncuntraje a Giesù Cristo, ca l’immitaje a dicere a isso tutte ‘e peccate, p’avè a remessione. L’ommo, però, rispunnette: “Si sie overamente Giesù Cristo, pecché dici ca quaccheduno ha da esse furtunato e l’autre hann ‘a passà ‘e guaje? E pecché nun ‘e castighe a chille ca jastemmane? Nun sie justo!

Allora s’avviaje verzo na siconda cchiesa, addò ce steva San Pietro ca facette vicino a isso: “Stongo ccà pe te dà n’autra possibbilità: cunfessate cu mme e sarrai perdunnato”. L’ommo, ncazzato, aizaje ncuollo e dicette: “E tu, San Piè, tiene ‘e cchiave d’ ‘o Paraviso ma faje trasere sultanto a chi vuó tu! Manco tu fai ‘e ccose bbone, vattenne!”.

Dinto a na terza cchiesa, ncuntraje ‘a Morte. “Tu sì ca si’ justa! Te ne puorte ‘o Rre e ‘o muorto ‘e famma, nun guarde nfaccia a nisciuno, me voglio cunfessà cu tte”. Doppo cuntato tutte ‘e peccate, ‘a Morte le prummettette: “Si nun t’accide e staje a sentì tutto chello ca te dico, te farraggio addeventà ricco assaje”. L’ommo, ncantato d’ ‘a prummessa, se scurdaje ‘o suicidio e stette a sentì ‘a Morte; “Tuorne ‘a città, e dice a tutte quante ca sie nu miedeco.”; “Ma je nun saccio fà niente, comme pozzo curà ‘a ggente?”, facette isso. “Faje accussì, quanno arriva nu malato, si me vide pe tuorno vò dicere ca schiattarrà ampresso. Si nun me vide, le dai nu bicchiere d’acqua e chella perzona starrà bbona comme si nu Santo l’avesse fatte ‘a grazia”.

L’ommo facette priciso priciso comme dicette ‘a Morte, e addeventaje ‘o duttore cchiù ricco ‘e Napule dint’ a nu paro ‘e mise. Accattaje case, ville e muoje ‘e terra, fino a quanno, na jurnata, fuje chiammato d’ ‘o Rre ca teneva na figlia ammaluta, e ‘o fatto era serio. Sotto ‘o Palazzo, vedette ‘a Morte: “T’avive fa vedé propio mo?”; ‘a Morte se stette zitta, e isso trasette dint’ ‘o Palazzo. ‘O Rre facette: “Si chest’acqua è overamente miracolosa, allora farrà stà bbona pure a piccerella, si invece site nu mbruglione, jettate ‘o sango appriesso a essa”. L’ommo facette vevere l’acqua ‘a figliola, e dicette vicino ‘o Rre ‘e aspettà nu paro ‘e juorne.

Asciuto d’ ‘o Palazzo, alluccaje ncuollo ‘a Morte: “Vattenne! M’accidarranno si ‘a piccirella nun se sana!”. ‘A Morte rispunnette: “Viene ‘a casa mia, te faccio vedé na cosa”. Arrivato ‘a casa d’ ‘a Morte, l’ommo se truvaje annanze a miliune e miliune ‘e lampade a uoglio, tutte quante cu nu nomme ‘e perzona. “Cheste songhe ‘e vvite ‘e tutta ‘a ggente ncoppo ‘a faccia d’ ‘a Terra”; “E ‘a mia addó sta?”, dicette l’ommo tutte tremmanno pe ‘a paura. “È chella llà”, e ‘a Morte facette segno na lampada cu na fiammella scarza scarza. “Cumpagna mia, Morte bella, pecché nun ce verzammo nu poco d’uoglio? Se sta astutanno!”. “Eh no cumpagniello mio”, facette ‘a Morte, “’o diciste tu: je facce sempe ‘e cose juste!”.

Traduzione in italiano

C'era una volta un uomo che, disperato per aver perso il lavoro, la moglie e la casa, decise di ammazzarsi. 
Mentre stava andando al Mandracchio per buttarsi in acqua, incontrò un amico che gli disse: "Non ti sei neanche confessato? Almeno trova un prete e mettiti in pace con l'anima".
"Giusto, andrò a confessarmi".

Visitò una prima chiesa ed incontrò all'interno Gesù, che lo invitò a confessarsi con lui, per essere perdonato. 
L'uomo, però, esclamò: "Se sei davvero Gesù, perché decidi che certa gente dev'essere fortunata ed altri devono avere disgrazie? E perché non punisci chi bestemmia? Non sei giusto!".

Si avviò verso una seconda chiesa, nella quale incontrò San Pietro che gli disse: "Sono qui per darti una seconda possibilità: confessati con me e sarai perdonato".
L'uomo, furioso, disse "E tu, San Pietro, hai le chiavi del paradiso fai entrare soltanto chi ti pare! Neanche tu fai cose giuste, vattene via". 

In una terza chiesa, l'uomo incontrò la morte.
"Tu si che sei giusta! Porti via il Re ed il poveraccio, non guardi in faccia a nessuno, sceglierò te per confessarmi". 
Dopo essersi confessato, la morte gli propose: "Se non ti uccidi e seguirai i miei consigli, ti renderò ricchissimo". 
L'uomo, affascinato dalla promessa, accantonò l'idea del suicidio e stette a sentire la morte.
"Torna in città e dici a tutti di essere un medico"
"Ma io sono un buono a nulla, come posso curare la gente?"
"Fa' così: quando arriva un paziente, se mi vedrai nelle vicinanze, significa che morirà a breve. Se non mi vedi, dai un bicchiere d'acqua e quella persona guarirà come per miracolo". 

L'uomo seguì il suggerimento della morte e, così, diventò il medico più ricco di Napoli in pochi mesi. Comprò case, terreni e ville, finché, un giorno, fu chiamato dal Re che aveva una figlia presa da una malattia incurabile. 
Sotto al Palazzo Reale, incontrò la morte. 
"Dovevi presentarti proprio ora?"
La morte rimase silenziosa e l'uomo entrò nel Palazzo. 
Il Re disse "se quest'acqua che fa guarire tutti i vostri pazienti è veramente miracolosa, allora curerà anche mia figlia. Altrimenti, se siete un ciarlatano, morirete".
L'uomo dette l'acqua alla ragazza e disse al Re di aspettare qualche giorno. 
Uscito dal palazzo, urlò alla Morte: "Vattene! Mi uccideranno se la ragazza non guarirà!"
La morte gli rispose: "Vieni a casa mia, ti mostrerò qualcosa". 
Arrivato a casa della morte, l'uomo si trovò dinanzi a migliaia di lampade ad olio, ognuna con il nome di una persona.
"Queste sono le vite di tutte le persone"
"E dov'è la mia?"
"È quella lampada con quel lumicino fioco".
"Compagnella mia, morte carissima, perché non versiamo un po' d'olio nella lampada? Sta per spegnersi!"

"Eh no, compagnello mio, lo dicesti tu: faccio sempre le cose giuste!"
E finì.

-Federico Quagliuolo